Aralin 10

Ang Dignidad at Kahirapan​

Paksang Aralin
     Panitikan: "​​Rashomon" (Maikling kuwento mula sa Hapon)
     Gramatika: Masining na Pagsasalaysay
Layunin
  • Nahihinuha ang kulturang nakapaloob sa binasang maikling kuwento
  • Napahahalagahan ang sariling kultura 
  • Nailalarawan ang sariling kultura sa maikling salaysay 
Kagamitan
  • batayang aklat na Bulwagan 9 Kamalayan sa Gramatika at Panitikan, mga pahina 126–137
  • video ng trailer ng pelikulang "Attack on Titan" 
  • larawan ng iba’t ibang lugar sa Pilipinas o sa ibang bansa

​Bilang ng Sesyon: 4 (isang oras sa bawat sesyon)
Mahahalagang Tanong 
  • Paano nagagamit ang tagpuan sa maikling kuwento sa paglalahad ng kultura ng isang bansa?
  • Paano gagawing masining ang pagsasalaysay ng isang kuwento?
Pamamaraan
Panimula at Pagganyak
  1. Ipanood sa klase ang trailer ng pelikulang "Attack on Titan" mula sa www.youtube.com/watch?v=TD20XEAP4jc o ibang katulad na sanggunian. 
  2. Pasagutan ang mga tanong sa panimulang gawain sa pahina 127 ng batayang aklat.
  3. Magsagawa ng Think-Pair-Square para sa pagbabahaginan ng sagot. Pagkatapos, pumili ng kinatawan mula sa bawat pangkat upang ibahagi sa klase ang kanilang sagot. 
Pagpapayaman ng Talasalitaan
  1. ​Ipasagot ang nakasaad sa Talasik sa pahina 133 tungkol sa pagbibigay-kahulugan sa mga imahen at simbolo. Tanggapin ang anumang sagot ng mga estudyante.
  2. Pasagutan itong muli at saka talakayin matapos basahin ang kuwento. 
Pagsusuri at Pagtalakay
  1. Ipabasa nang tahimik ang maikling kuwentong "Rashomon" sa mga pahina 127 hanggang 133.
  2. Magkaroon ng malayang talakayan tungkol sa binasang maikling kuwento. Gawing gabay ang mga tanong sa Muling Pag-isipan sa pahina 133.
Pagsasanay 
  1. Ipagawa ang mga pagsasanay sa Masusing Gampanan sa mga pahina 134 at 135. Talakayin ang mga sagot sa gawain A.
  2. Ibigay bilang takdang-gawain ang ibang bahagi gaya ng panonood sa YouTube o pagsasaliksik ng maikling kuwento. Para sa gawain B, maaari din namang magpanood sa klase ng mga bahagi ng teleserye o pelikula na siyang paghahambingin ng mga estudyante. 
Paglalahat
  1. Matapos ang talakayan at mga gawain sa Pagsusuring Pampanitikan, tanungin ang mga estudyante kung anong mahahalagang aral ang napulot nila mula rito.
  2. Lagumin ang aralin batay sa sagot ng mga estudyante at ayon sa mga layuning pampanitikan ng aralin.
Takdang-aralin
Ipabasa ang seleksiyon at aralin sa Pagsusuring Panggramatika sa mga pahina 135 at 136.
Integrasyon sa Gramatika
Pagbabalik-aral at Pagganyak
  1. Ipakita sa mga estudyante ang mga larawan ng iba’t ibang lugar sa Pilipinas at/o sa ibang bansa. Itanong sa kanila kung saang pelikula at/o teleserye ito ginamit. Tingnan ang ilang halimbawa sa ibaba:
    a. Bohol – "Dolce Amore" (teleserye ng ABS-CBN, 2016)
    b. Milan, Italya – "Milan" (pelikula ng Star Cinema, 2004)         
    c. Palawan – "Ningning" (teleserye ng ABS-CBN, 2015)
    d. United Kingdom – "Caregiver" (pelikula ng Star Cinema, 2008)
    e. Dubai, UAE – "Dubai" (pelikula ng Star Cinema, 2005)  
  2. Pag-usapan sa klase ang ginagampanan ng tagpuan sa pelikula o sa anumang akdang pampanitikan.
Pagsusuri at Pagtalakay
  1. Ipabasa nang tahimik ang bahagi ng kuwentong "Suyuan sa Tubigan" sa Alamin Natin sa mga pahina 135 at 136. Pagkatapos, magkaroon ng pagpapalitan ng kuro-kuro gamit ang mga tanong na kasunod nito. Iugnay ito sa tatalakaying paksa.  
  2. Talakayin ang tungkol sa masining na pagsasalaysay ayon sa nakasaad sa Talakayin Natin sa pahina 136.
  3. Ipaisa-isa sa mga estudyante ang dapat isaalang-alang upang maging masining ang pagsasalaysay. Maaari silang pangkatin upang gumawa ng isang talaan na may pamagat na "Resipi sa Masining na Pagsasalaysay." 
Pagsasanay at Paglalahat
  1. Ipagawa ang mga pagsasanay sa Himayin Natin sa pahina 137. Talakayin ang kanilang mga sagot sa mga gawain A at B.
  2. Gamitin ang sumusunod na pamantayan sa pagmamarka ng maikling salaysay na isusulat nila sa gawain C.
Picture
Pagbubuod
  1. Ipagawa ang mga gawain sa Pagtibayin Natin at Lagumin Natin  sa pahina 137.
  2. Tumawag ng mga estudyante upang ibahagi ang kanilang mga sagot at upang lagumin ang mga natutuhan sa klase.
Takdang-aralin
Ipabasa ang dulang "Prinsesa ng Buwan" sa mga pahina 139 hanggang 142.  
Karagdagang Pagsasanay
      Magsagawa ng “Umpukan ng mga Estudyante.” Ilarawan sa inyong kamag-aaral ang tipikal na maghapon
sa buhay ng isang estudyante. Magkuwento tungkol sa mga ginagawa ninyo o ng mga estudyanteng katulad
ninyo sa pamamagitan ng masining na pagsasalaysay.